الارهاب و الكباب ....فى منتخب الشباب!

منتخبات الشباب المصرية هى عصب و مستقبل الكرة المصرية ككل

الشباب هم امل مصر و مستقبلها ليس فقط فى كرة القدم و انما فى كل مجالات الحياة

الشباب هم الحماس و الطاقة التى تحتاجها اى دولة من اجل ضمان مستقبل افضل

ترى هل الشباب واخد حقه فى مصر؟

الاجابة اتركها لكم

ما هو رأيك فى مستقبل الكرة المصرية ؟

منتخبات الشباب من 2001 و حتى 2007 رسمها البيانى فى النازل و بالارقام هاقنعك يا عم بوجهة نظرى

ايه؟

بتقول ايه؟

كلام فاضى؟

طب اصبر و اسمعنى الاول و بعدين احكم بنفسك

2001 تالت العالم للناشئين

2003 خروج من دور ال8

2005 خروج من الدور الاول

2007 خروج من التصفيات الافريقية المؤهلة

ها

ها

كلامى صح و لا غلط !

طب بلاش كده تعالى نشوف بطريقة مختلفة

ايه هو الغرض من منتخبات الشباب ؟

اعتقد من وجهة نظرى انه النجاح يكون فى كم الافرازات الناجحة من النجوم للمنتخب الوطنى

2001 : كل الفريق اصبح نجوم فى انديتهم و المنتخب الوطنى

2003: عماد متعب شريف اكرامى عمرو زكى احمد فتحى حسنى عبد ربه

2005: حسام عاشور - احمد المحمدى - عبد الله جلال

2007: بذمتك لو تابعت المباريات فعلا .....مين النجم اللى شوفتوا!

الشباب مظلوم طبعا .....العيب مش فينا احنا يا شباب .....العيب فى التخطيط

طب ماعلش انا عارف انى زهقتك معايا بس حاجة اخيرة

اعمل مقارنة بين مشاكل الشباب فى الرياضة.....و مشاكل الشباب فى اى مجال اخر

واحدة ....صح

المشكلة ان الشباب لا منه واخد فرصة للاحتراف المبكر و لا منه عارف يلعب اساسى فى ناديه عشان طبعا النوادى عمالة تشترى فى لاعبيين قدامى على حساب شبابها و ناشئيها

رسالة الى كل من هو مهتم عن الشباب و مشاكله فى مصر(من فيلم الارهاب و الكباب):

الشباب الشباب لا نخلى عيشتكوا هباب

فى اوروبا و الدول المتقدمة ياكلون الكباب بالطحينة

اما فى مصر فيعطون الشباب الطحينة بدون كباب اصلا